Zanja honda Uruguay
Eins og oft áður þá er lygna við brúna sem breytist síðan fyrir neðan brú í læk sem rennur niður tún eins langt og maður sjá svo forvitnilegt hvort það væri eitthvað af fiski í svona bæjarlæk
Australoheros á þessum stað er með rauðan flekk og rautt auga sem gerir hann skemmtilegan, ég held hann teljist til Australoheros cf. scitulus
Ungur hængur af Gymnogeophagus með flotta liti, margar tegundir eru af Gymnogeophagus eru í Úrúgvæ og þótt nýlega hafi verið farið í það að tegundagreina þær flestar er ég ekki kominn nógu vel inn í tegundirnar til að vera með þessa tegund á hreinu
Hér er fullvaxta hængur kominn með hnúðin sem fylgir þessu afbrigði, hrygnan fær ekki hnúð og er litminni
ungfiskur af Crenicichla scottii, á sporðinum er skemmtilegur augn blettur sem margar tegundir fiska eru með sér til hjálpar er ránfiskur ræðst að þeim, ránfiskar ráðast alltaf á hausinn á bráðinni svo hann sleppi ekki en ef þeir ráðast á augn blettinn, þá á fiskurinn mikla möguleika á að synda í burtu
Önnur tegund af Crenicichla veiðist þarna og er það Crenicichla lepidota og þetta er hrygna sem þekkist á rauðum maga, þarna er rauð rönd áberandi á bakugga ásamt ljósri og dökkri rönd fyrir ofan , gyllti og svarti flekkurinn með smá rautt er áberandi fyrir aftan tálknin
Í grynningunum var stór Hoplias svo ekki var ráðlagt að vaða á þeim stað enda eru þeir þekktir fyrir að ráðast á allt sem kemur nálagt hrognum og seiðum en hvort hann hafi verið með eitthvað í gangi veit ég ekki því tennurnar á Hoplias eru það stórar og beittar að þeir bíta í gegn um vaðstígvél og til að setja hann í samhengi þá eru allir tilbúnir að synda með Pírahna hóp frekar en að mæta einum Hoplias á grynningum
Snákar eru algengir í veiðiferðum en oftast eru vatnasnákar lítið eitraðir svo hægt er að taka þá upp þótt þeir geti vissulega bitið fast svo best er að taka þéttingsfast utan um hausin á þeim til öryggis, þessi tegund er með skemmtilegt munstur
Ég hugsa að þetta sé algengasta tegundin sem við sjáum en þær eru nokkrar og sumar eitraðar en með því að reka stóra háfa á undan manni ef maður er í sefi eða miklu grasi þá nær maður að fæla þá í burtu áður en maður stígur á þá
Felipe rölti niður lækinn og ég hugsa með mér að hann fyndi ekki mikið af fiski þar en hann kom til baka með þennan líka fína plegga af fínni stærð
Ein af barracuda í landinu sem eru ránfiskar , þær tegundir eru líkar þegar þær eru litlar en ég held þetta sé oligosarcus oligolepis
Ef þær stærri bíta á þá þarf að losa öngulinn varlega því tennurnar eru beittar ,en þær minni koma í háf eða kastnet svo lítið mál að handleika þær
Þetta er Hyphessobrycon meridionalis, pastellituð tetra sem finnst víð í Úrúgvæ , litirnir sjást ekki vel á myndinni en hópur af þessum í gróðurbúri gæti verið mjög flott
