Catalan grande uruguay
Catalan grande er stór á sem skiftist i nokkrar minni ár hér við stóra brú. Ég stend ofaná brúnni til að taka þessa mynd
Það er skógivaxið meðfram ánum og mikið af vatnaplöntum svo erfitt að nota kastnet, svo við byrjum með Dipnet eða „Stóru háfana“ sem eru eins og þessi sem Paul heldur á neðst á myndinni
Þótt fiskar séu efst á dagskrá þá nýtur maður þess að vera innan um náttúrulegan gróður í fallegu veðri
Engar góðar myndir eru til af þeim síkliðum sem við tókum upp með dipnetinu en þarna eru tveir hængar af Gymnogeophagus sem ég held að séu pseodolabiatus og þar við hlið hrygna af sömu tegund, og neðst sjáum við Gymnogeophagus meridionalis
Hisonotus kattfiskur sem er í réttri stærð fyrir gróðurbúr ( sama stærð og otocinclus ) og eitthvað blóm sem komupp úr vatnagróðri
Hér sést vel stærðin á vatnagróðrinum, Paul að reyna að komast upp á þurft eftir að hafa kannað dýptina á ánni sem var mjög djúp á köflum
Ég ákvað að veiða aðeins með stöng frá brúnni til að sjá hvaða fiskar væru að svamla þarna fyrir neðan og rakst þá á þenna kaktus sem óx á milli tveggja stólpa og fannst það svo sniðugt að ég tók mynd, þessi ferð er síðan 2013 svo ef kaktusinn hefur náð að halda sér í flóðum þá er hann trúlegast búinn að vaxa klestur upp með stólpunum og gæti verið enn fyndnari
Crenicichla scottii var þarna í bunkum og ég veit ekki hversu marga ég dró á land áður en ég gafst upp á að reyna að veiða eitthvað annað, stærri fiskurinn er hængur en á innfeldu myndinni má sjá blettina sem einfalt er að þekkja hrygnurnar á
Nærmynd af haus af Crenicichla scottii, blettirnir undir augunum eru mismunandi eins og sést ef borin er saman þessi mynd og síðan sú fyrir ofan, og er spurning hvort fiskarnir geti notað þær til að þekkja aðra sömu tegundar úr fjarska
Enn einn hængur, fyrir utan að augn blettir séu mismunandi þá eru hængarnir mis gylltir og mis rákóttir þótt þeir séu í sömu ánni, svörtu blettirnir á uggunum sem sjást mjög vel á eyrugganum eru einhver sníkjudýr sem ég þekki ekki en stundum geta fiskar verið með þá í miklu magni en samt eru þeir frekar sjaldséðir
