Bella Union Uruguay
Bella Union er fullt af tjörnum og veiðum við oftast í nokkrum litlum sem eru rétt hjá þessu litla vatni og síðan í tveim vötnum aðeins í burtu
Þegar vötn eru svona gróðurmikil þá er oftast vonlaust að veiða í þeim en í horninu vinstra meginn tók ég upp nokkrar Corydoras longipinnis á sandbotni
Ég veit ekki hversu margar tjarnir eru á þessu svæði en þær skifta tugum, ég læt fylgja myndir af nokkrum þeirra á samt innfeldri mynd af fisk eða halakörtu
Engar tvær tjarnir eru eins í gróðri þótt þær geti verið hlið við hlið og einnig er munur á hvaða tegundur eru í hverri tjörn og er það vegna þess að það flæðir árlega yfir allt svæðið og þegar sjatnar á flóðinu er misjafnt hvaða tegundir eru hvar
í þessum tjörnum lifa tvær tegundir af dvergsíkliðum Apistogramma borellii og A. commbrae þótt sú síðarnefnda hafi ekki veiðst í þessari ferð, kannski er réttara að segja að ég náði engri slíkri en við erum ekkert alltaf að sýna hvorum öðrum allt sem við veiðum enda færi þá allur dagurinn í að hlaupa og finna hina bara til að sýna þeim eitthvað, svo flest allt sem kemur í háfinn fer strax aftur ofan í vatnið nema einhver hafi látið vita hvað hann er að leita að en þá tökum við þá fiska til þeirra við tækifæri
Enn ein tegund af gróðri og innfeld mynd af Charax
Innfeld mynd af halakörtu þótt mikið sé af froskategundum finnst mér halakörturnar allar eins en eflaust er á þeim munur þar sem þetta eru margar tegundir, hálfgerð vatnasóley á þessari tjörn
Hængur af Apistogramma borellii í sólinni, þeir eru aldrei svona dökk bláir í búrum en samt alltaf flottir, ég náði líka hrygnum en gleymdi að taka mynd af þeim en þær eru lit litlar en smá gulleitar
Stæðileg hrygna af Corydoras longipinnis, hængurinn fær langan bakugga
Þessi Gymnogeophagus meridionalis kom úr gruggugri tjörn og var því frekar glær á litinn
Hængur af Cichlasoma dimerus
Hnífafiskur sem kom upp úr einni tjörninni, hann er svipaður og Gymnotus carapo sem er skráður í landinu en gæti verið önnur tegund
Þarna var myndbúrið tekið fram, svo við næðum góðum myndum af þessum fallega hnífafisk
Þessi væri flottur í fiskabúri en oft er erfitt að fá villta fiska til að taka þurrmat eða frosið fóður svo alltaf viss áhætta á að fá sér sjaldgæfa villta fiska nema maður gefi sér góðan tíma í að fá þá til að borða
