Arroyo macedo Uruguay
Arroyo macedo er lækur eða á sem er ýmist með grynningar, hyli og allt þar á milli og rennur niður þarna til vinstri og verður þar að tæplega 2 mtr breiðri djúpri lygnu í langan tíma en þar er mikill gróður og erfitt að veiða þar því miður
Annað nafn yfir ána er Gem river þar sem mikið er af kristöllum og flottum steinum, í þessari ferð vissi ég ekki að í húsinu í fjarska er grjótnám og þar er allt full af Amethyst steinum í öllum stærðum sem ég sá í næstu ferð
Rennslið var ekki mikið í þetta skiftið en nóg samt til að halda lífríkinu í fullu fjöri
Sú síkliða sem við erum helst að reyna að ná í hér er Gymnogeophagus pseudolabiatus sem þekkist á stórum vörum
Þegar mikið er um grjót á botninum er mjög erfitt að veiða en getur samt verið gaman að skoða því oft mikið af fiski sem er innan um steinana
Gymnogeophagus torfa og par á innfeldu mynd sem gæti verið high dorsal en ég sé það ekki nógu vel
Rétt fyrir ofan ána er vatn sem er djúpt og erfitt að veiða úr því kastnetið sekkur ekki nógu hratt á botninn og flestir fiskar komast undan
En gaman samt að reyna innan um plönturnar
Þessar minna á vatnaliljur en stönglar á milli blaða og lítil hvít blóm svo einhver önnur tegund
Þar sem þetta var ekki fyrsta skifti á þessum stað þá tók ég fáar fiskamyndir en þeim mun meira af ánni og nágrenni, smávaxið kjarr og gras er aðal gróðurinn þarna og er því nóg að bíta fyrir nautgripina en af þeim er nóg í Úrúgvæ
Tveir Rhea americana heiðruðu okkur með nærveru sinni og er alltaf jafn gaman að sjá þessi Amerísku “ strúta „
Smá sýnishorn frá árbakkanum
Þetta fjólubláa er Amethyst og er Úrúgvæ þekkt fyrir risa stóra steina mannhæða háa sem hafa fundist í landinu sem eru miklu fjólublárri og fallegri en þessi sem var á bakkanum
Þessi Gymnogeophagus pseudolabiatus var miklu gulari en hinn sem ég sýndi hér fyrir ofan og höfum við séð þetta á nokkrum stöðum að hængar hafa sitthvorn litinn hjá sömu tegund á sama stað sem mér finnst frekar merkilegt
